Təsvir

Monoblock plants – BIOTAL wastewater treatment

İstifadə

(BIOTAL-MCD) tipli monoblok qurğular gündəlik 1,5-dən 12 m³-ə qədər məişət çirkab sularının dərin bioloji təmizlənməsi üçün nəzərdə tutulmuşdur. Bu tip monoblok qurğunun xüsusiyyəti, artıq aktiv lillin yüksək dərəcədə sıxılmasını və susuzlaşdırılmasını təmin edən susuzlaşdırma qurğusunun mövcudluğudur.

Quraşdırma xüsusiyyətləri

Təmizləmə zonalarına bölünmüş silindrik polipropilen bioreaktor yaşayış binasından ən azı 5 m məsafədə, yeraltı dəmir-beton quyuda yerləşdirilir. Qurğu su ilə doldurulduqdan sonra, qurğunun divarları ilə quyunun divarı arasındakı dairəvi boşluq qat-qat sement-qum qarışığı ilə doldurulur və su ilə "isladılır". Çirkab suların qurğuya özaxınlı axışı zamanı quyuların dibinin nişanı (səviyyəsi) təchizat borusunun dibinin nişanına əsasən müəyyən edilir. BIOTAL qurğusunun avtomatik idarəetmə bloku və hava üfürücü (blower) ventilyasiya ilə təchiz olunmuş mövcud qeyri-yaşayış qızdırılan otaqda, xüsusi olaraq tikilmiş üfürücü binasında və ya quyunun tavanına quraşdırılan boks-rekuperatorda yerləşdirilə bilər. Kabellər və hava kanalları qoruyucu qabıqlarda çəkilməlidir. Qurğudan üfürücü binasına qədər maksimum məsafə 20 metrdir. Təmizlənmiş çirkab suların axıdılması özaxınlı və ya qurğunun təkrar çökdürücüsündə quraşdırılmış nasos vasitəsilə mümkündür.

Diqqət yetirin! BIOTAL qurğuları üçün zəmanət müddəti 5 il, idarəetmə bloku və hava üfürücülər (blower) üçün 3 il, nasos avadanlığı üçün isə 2 ildir.

BIOTAL monoblok qurğularının servis xidmətini aşağıdakı dövriliklə keçirməyi tövsiyə edirik: fərdi sektor obyektləri üçün (koteclər, fərdi və bağ evləri, malikanələr...) – rübdə bir dəfə; digər növ obyektlər üçün (YDM-lər, kafelər, otellər, istehsalat sahələri...) – ayda 1 dəfə.

Terminlər lüğəti:

• Kobud qarışıqların saxlanılması üçün paslanmayan tor BIOTAL qurğusunda kobud qarışıqların saxlanılması ikitərəfli hava qabarcıqlanması (bubbling) və stasionar qapağı olan böyük paslanmayan torda baş verir.
• Sifonlu eyrlift Təmizlənmiş çirkab suların bioloji süzgəcli təkrar çökdürücüyə ötürülməsi üçün nəzərdə tutulmuş qurğudur; onun konstruksiyası səthdəki çirkləndiricilərin növbəti təmizləmə zonasına daxil olmasının qarşısını alır.
• Bioloji süzgəc Öz-özünə təmizlənən bioloji süzgəc çirkab suların sonradan təmizlənməsini təmin edir, həmçinin nazik qatlı çökdürücü kimi fəaliyyət göstərir.
• Su səviyyəsi sensoru Qurğunun avtomatika sisteminə siqnalların vaxtında ötürülməsi üçün nəzərdə tutulmuşdur ki, bu da öz növbəsində sistemi avtomatik olaraq 7 proqramdan birinə keçirir və elektrik enerjisinə 70%-ə qədər qənaət edir.
• Ultrabənövşəyi (UV) dezinfeksiya Ultrabənövşəyi su dezinfeksiya qurğusu 254 nm dalğa uzunluğuna malik UV-C diapazonlu şüalanma lampası ilə təchiz edilmişdir.
• Aerator Aerator lazer perforasiyalı PUR (poliuretan) membrandan hazırlanıb və çirkab suların kiçik qabarcıqlı aerasiyasını təmin edir. Bu, çirkab suların oksigenlə doyma səmərəliliyini artırmağa imkan verir, həmçinin aktiv lilli bakteriyaların absorbsiya (udma) xüsusiyyətlərini yaxşılaşdırır.